Rêviyê ku bum ez

Di kalanekî tezede rizî bu xencer

Li ser xencerê deqên xwînekî mêjuyî

Çawan hat û çawan çû

Bablîsoka çarenusa me

Bi rondikên sitêrkî dadikevim

Pêlekanên rumetê xwe

Di sînga minî çepê de

Wêneyên miriyên bênav

Li ser şanê min jî barê gunehên gunehbaran

*                              *

rêviyê ku bum ez

tevgerîna gerduna kesnezan

bubune zagonê hestên me

pirsexaneyek bu ji bo min dil

azara wê jî diyariyekî bê hempa

“hebu nebu” di gotin

erê

çirokî bu temenê bihurî

xeyalekî peyitandî

*                             *

rêviyê ku bum ez

di asoyê pêş min de

çirayekê di nava tariyê de reng di weşand

li paş min jî tariyekî qemerî

ew qirşikên dawî bun

di bin pêlava min de qîr didan

çukan ne dizanîn

ku cara dawiye ji ber min di firin

û ew çiyayê dawî bu

di pêş çavên min re bihurî

gav bi gav biserketina  şaxeberzekî bu

liyanekî hunerî

laveyekî oldarî

hewara min

ne ya vîna min bu ku li paş min ma

*                        *

Rêviyê ku bum ez

hesret

çavlirêya bextewerekî jîndar bun

çavên kiz

bi hêviya belbunê awir di guherîn

lê kesekî ne dizanî

ku ew rê berewjor ve diçe

tenê reya ejnuyên bihêze ew

dostên wê jî dijmin dijminê wê ji dijmin.

Wêkî gur ekî nav ateşkedeyek bu derûnê min

Ne çêdibe ne jî dimre

Rêvingê ku bum ez ???